家暴

原本可以避免的事, 我真的做錯了嗎 ? 那......代價也太大了  ::_2439 

這可愛小妖寃著你扭嗲扭抱, 能不就範嗎 ?

昨晚回家, 細佬仔又像千年沒見媽媽, 寸步不離的緊貼著, 

旁邊有件一直看在眼裡.  已經有前科了, 得要先安撫那個醋罈男, 

否則又發生家暴, 不過, 換衣服的時候, 門外已聽到兩兄弟在嘈交了, 唉.....

慣性著電視hea一下才開飯, 細佬仔已第一時間跳上來, 

成只乳豬的撻在我的腿上, 多柔軟舒適貼服的披毛, 

怎捨得讓他離開, 一面跟哥哥說 : 一齊坐啦, 乖啦.....

沒法子, 還是一臉不悅的走開了. 

坐一陣都嬲, 張先生你唔做得咁小氣架 ::ww6066 

開晚餐了, 還在扭不埋位, 在走廊自顧自發老四, 咩貓嚟架::kk3045 

算啦喂, 一陣錫番呵番嘞, 最多媽媽唔要細佬仔啦 ! 

吃過飯, 碗也洗好, 到每晚的黃金時間了, 

細佬仔又霸頭位撻字大髀, 自己又衰心軟.....

電視不好看, 很自然拿起電話打機, 打打打, 打到咩都唔記得, 

哥哥終於忍不住, 跳上梳化找媽媽......

媽媽過埋呢關先, 好乖嘅, 最多等一陣啦你R下爬, 又低著頭打打打......

到我抬頭看哥哥, 他半壓著頭, 報以這個殺父仇人的眼神,

然後, 突然......側頭往我手臂上大咬一口 ~ 嘩嘩 ~ 好痛好痛 ~ 

咬的是手臂不見天的部位

仔 ~ 你家下乜仇都報哂啦, 痛咗我成晚, 無陰公呀 ~