留難 • 肉赤

2012年11月19日下午2:00公開累積瀏覽 1708 回應56 

有時真係唔到你唔信邪, 寫完篇不送門,
就發生了好幾次怪異的事.......... 

上星期六, 差啲返唔到工......... 呢個年代,
如果唔係有智能手機, 唔慌唔文人多大話.

媽媽.....你又要著鞋出去.....天黑先返呀.....

唔好出去啦.........

我唔捨得媽媽你走呀.............

仔......仔呀.....你乖啦.......落地先啦.....

唔制呀...唔俾你返工..等我...zzZZzzZZZzzz...先...

雖然係設計對白.....但我知道.....
哥哥知道.....媽媽是要出去的......... 
哥哥貼心會使計........
總喜歡在不適當的時候無賴撒野........ 
想試探媽媽.....對你有多著緊嗎 ?? 

先講DD先, 話說有篇卜講彈妃兩兄妹打交, 
仲拍咗段片, 片中佢"狀似"大叫 ~ 停止 ~ 
當時我覺得好好笑....咁鬼溫柔, 把聲又好聽, 
邊有貓睬你得架....... 琴晚......見到哥哥菲女玩, 
玩玩下菲女又出幽冥鬼爪, 
我即時大叫 ~ 唔準打 ~ 
呢三個字,  嘩 ~ 驚天地, 泣鬼神, 
兩個即時停哂手呆咗, 哥哥原地舔毛, 菲菲走鬼......
菲女轉個頭, 找媽媽坐大髀, 呵番無事.......
哥哥無哂心機仔, 我好似從來未試過, 
咁大聲喝過佢地, 哥哥以為我真係嬲, 
成晚叫住我, 亦步亦趨......
我攬實佢講悄悄話....... 媽媽唔係鬧你呀, 
驚你整親眼仔先咁大聲, 乖, 媽媽錫番, 媽媽錫哂. 

不過, 氹咗哥哥好耐, 還是像個做錯事的小男生.....  

唔知點解, 個心好鬼肉赤........