大俠

上星期五, 一個感覺異常酷熱的晚上......

正當沖完涼, 準備舒舒服服歎貓看電視之際,

竟然在電視後面牆, 看到我平生最憎厭,

要殺之而後快的的惡魔,

但這惡魔.......太太.......太令人膽戰心驚,

雖然怕得要死, 也要馬上盤算該如何行事....

對, 你們猜對了.......

但不是小強, 中強, 大強.......

P佢個K.......是巨強 (以上為巨強位置圖)

經驗裡, 1:0 漂白水c得最快, 定型水殭得最快,

拔.....當時兩樣都沒有在手, 而視線又一刻不能移開,

巨強跑掉就大O六, 旁邊只有枝效力較慢的殺蟲水,

好過無啦 ..... 然後...... 士lo毛純行過去......

必 ~ 必必必 ~

惡魔身中劇毒後, 跑到下面去了.

第一關KO了, 待一會找到屍骸就大功告成.

掀開窗簾 .........................無

移開窗簾前面的物件......又無

拿電筒周圍慢慢照..........都係無

~ 橙啦 ~

唯有守柜待強, 可惜一直未見任何動靜,

今晚點算好, 納悶良久, 

看到新的可口可樂廣告, 

"隊"番罐減下壓再算.

拿著可樂從廚房出來,

看到哥哥在走廊的一個柜旁伏著,

你又玩唔見咩要媽媽執呀,

曳呀你, 一面笑罵, 一面徒手往柜底撈, 

有點吉手, 以為是紙團,  隨手扒出來........

救命呀 ??!! 竟然係佢......

反了肚, 鬚在動, 腳還在young !!

超樣衰, 勁討厭 ~ 哼 ~

當晚, 大大力攬到哥哥實一實, 

點解你咁勁嘅, 點解你知道佢响柜底嘅,

點解嘅 ~ 點解嘅 ~ 

哥哥 ~ 你是最好的, 你知道嗎 ? 
不過, 你啲中文就差啲 ...... 汗......