誓不低頭

今晚大結局……
謝文武最終就算贏了陸國榮又點, 
上半世已經輸哂, 再鬥, 
輸埋自己下半世做乞兒, 值得咩？

太多今生孽障令人反思……

~ 不如你唔好返工陪我啦 ~ 媽媽 ~

呢件朝朝返工著鞋時間, 就謝文武上身玩哥不低頭,
曾提過不想難捨難分, 於是彎低身摺埋上半身,
令他無機會跳上大髀纏三纏四, 結果背脊中伏,
痛苦地孭住幾條抓痕上班去....

你呀媽我仲有大把貨對付你, 哼哼 ~

可能你會想, 直接抱他落地不就行了嗎 ?
呢個仔, 會扭計~ 嗚嗚~叫唔好 ::oo2028 
抱起上半身就~嘩嘩~大叫, 狀甚淒涼,
其實.....你有幾唔捨得媽媽返工 ?

話說有一次, 衰仔著了先機上大髀,
之後就....癡癡迷地瞇起雙眼自我陶醉,
奸計得逞的表現.....
我微微將兩腿分開 (豔情小說嗎 =_="),
衰仔一隻腳掉落了, 還假裝若無其事,
我再將腿合上夾實.......
看著他面有難色, 不知如何是好之際,
feel到他在嘗試將臭腳"拔"出來,
我再鬆開大髀, 這回1/3個屎忽掉落了,
慌亂下唯有用雙手抓著媽媽肚皮爬回來.

定過神後, 施施然在舔毛掩飾,
但還是不屈不撓的在媽媽腿上.
怎忍得下心叫他離開, 
仔 ~ 媽媽啦你R頭仔R下爬 ~
Happy 10 minutes together ::vv4040