囉唆vs肉麻

2011年6月17日下午2:28公開累積瀏覽 120回應22 

如果你是個囉唆的人, 結婚了, 相信囉唆指數倍數上升;

到當爸媽了, 指數必定持續攀升, 甚至爆燈. 

如果你是個肉麻的人, 拍拖了, 肉麻指數也相對全面攀升, 

比較普遍經典的, 莫過於高八度地叫甚麼豬豬,   傻豬仔,

baby豬, 心肝豬, 寶貝豬呀咁...... 

我, 只會在旁邊看人囉唆, 看人肉麻, 時而報以噓聲, 

時而聳肩打個冷震, 或以揶揄嘲笑之為樂.

俗語話 ~ 有咁耐風流就有咁耐折墮 ~

肚餓仔未呀, 媽媽開魚魚食.... 邊度痕痕呀.... 

眼瞓仔未呀....哥b, 你係咪好愛媽媽架.... 

妹妹 細佬仔, 飽飽未呀..... 菲菲今日有無乖豬呀....

  

家姐, 我哋明明唔係豬, 哥哥又唔係BB, 點解嘅 ?

肚餓, 眼瞓都有分仔同女嘅咩 ?

媽媽 : 多事, 眼瞓就好去瞓啦 ! 

玩多陣好啦, 玩完食餅餅, 

記得飲水水呀, 我靚靚乖妹妹.

 

細佬仔你唔得咁霸道自己玩晒架, 你讓下菲菲啦.......  

你告俾媽媽聽, 我瞓到聽朝都唔俾你玩添呀 !  

媽媽, 唔著衫得唔得呀? 

梗係唔得啦, 成日lam唔聽話, 

手臂仔好返先啦, 乖豬仔唔好嬲包包啦!  

訓好啲啦, 跌死你呀 ! 細佬唔得蝦哥哥架 .... 

唔淮入廚房呀 ! 咪嘈呀, 玩夠未呀, 咁夜跑泥跑去, 俾差人拉架 ! 

唔淮打交 ..... 唔好lam啦, 肚痛睇醫生要打針針架 

仲係咁曳唔要你架, 等你做乞兒仔瞓天橋底 ! 

寫完回頭看, 原來幾骨痺的都能說出口, 叠字又多, 

一日到黑唔淮, 唔好, 唔得, 唔俾, 真係要幾噚有幾噚.