貓事♥快樂事

2011年5月15日下午5:30公開累積瀏覽 132 回應20

湊貓等於湊小孩, 還要是永遠長不大的小孩.

有事沒事終日吵吵鬧鬧, 打小報告,
小氣話極唔聽又要駁咀, 做錯事扮舔毛扮無辜搏同情,
為求目的可愛教主上身, 挨身挨勢無所不用其極.

煮緊飯唔得閒, 哥哥在廚房門口~喵~喵~喵, 咩事呀?
媽媽, 妹妹賴咗屎呀! ~ 喵 ~

~喵~ 又咩事呀?
細佬仔嘔呀 ~喵~

咩喎!?

哥哥認為痾出界就係賴屎, 嘔係污糟,
一定要叫到媽媽跟出去, 再喺現場抓抓抓.

閒在梳化看電視, 妹妹無情情懶得意,
坐在腳邊用個背脊仔'得'住你, 不時別過頭來 ~
我要梳毛呀, 媽媽! 細佬仔死唔執輸, 打橫瞓喺地,
咕嚕咕嚕, 我又要 ~

媽媽, R背脊仔 ~

週地玩具廁紙, 邊個曳呀, 無魚食.

一個二個唔應你, 裝瞓扮呆 ~

趁媽媽忙著煮食, 想偷入廚房, 先扮乖坐在門口,
慢慢踏前一步, 坐低, 再慢動作重複搏懵, 喂 ~ 好啦下你 ~
媽媽一喝, 馬上大啖大啖舔心口執毛, 掩飾自己的敗行.

哥哥是懂事不過諸事, 班細嘅得閒無所事事, 
就無事生事, 四圍攪事 ~